Wikileaks expón a verdade do conflito do Oriente Medio



Por Ari Shavit
Haaretz - 05.12.2010
.
Julian Assange é un perigoso criminal. Este estraño home de pelo longo e loiro e de expresión misántropa non é simplemente un ciberterrorista dun novo tipo. Assange non é máis que un anarquista ilusorio humillando á maior potencia do mundo, unha especie de megalómano desinhibido interrompendo a moderna diplomacia e socavando a orde mundial. Assange é un criminal perigoso porque rompeu a dogma que todos aceptaron sobre como se debe entender o Oriente Medio no século XXI.
.
Esta dogma declara o seguinte: O principal problema no Oriente Medio é o conflito israelí-palestino. O problema principal no conflito israelí-palestino é a ocupación. E o principal problema da ocupación son os asentamentos. Por tanto, se acabamos detendo os asentamentos, porase fin á ocupación, o conflito entre israelís e palestinos solucionarase e o Oriente Medio será estable. Durante a última década, esta dogma converteuse nunha fixación e foi santificada. Converteuse nunha especie de crenza fundamental que non pode ser cuestionada. É a verdade á que se xura obediencia na Casa Branca, no Palacio do Elíseo e o 10 de Downing Street. É a verdade que se difunde en The Washington Post, Le Monde e The Guardian. É a verdade que conforma a "elevada e suprema moral" que delimita a visión do mundo das elites ilustradas occidentais e conforma as políticas das potencias occidentais.
.
E entón chegou Assange e esnaquizou a dogma. Os documentos secretos que Wikileaks publicou demostran que os asentamentos, a ocupación e até o conflito israelí-palestino non eran o problema principal no Oriente Medio. Os e-mails confidenciais demostraron que ese mundo do que nos estaban falando en Washington, París e Londres era un mundo imaxinario. Assange demostrou que non había conexión entre o verdadeiro Oriente Medio e o Oriente Medio do que nos falan en The Washington Post, Le Monde e The Guardian. Revelouse que todo o mundo árabe atópase actualmente ocupado e preocupado cun único problema: Irán, Irán, Irán...
.
Non hai dúbida pois diso, Assange é un perigoso criminal. Pero é perigoso non porque penetrase os sistemas de información do Pentágono, senón porque demostrounos a carencia de integridade intelectual da a intelligentsia occidental. Assange é perigoso non porque filtrase secretos de Estado a unha escala sen precedentes, senón porque nos revela como todo o discurso hexemónico de Occidente é superficial e mentireiro. Assange é perigoso non porque avergoñe aos aliados de Occidente, senón porque demostra que Occidente está contaminado por unha corrección política que lle aparta da realidade diplomática. Assange coloca un espello xigante en fronte de todos nós e demóstranos ate que grao foramos enganados nas últimas décadas. Un falso dogma impediunos mirar de fronte e de maneira lóxica o desafío histórico ao que nos enfrontamos. Pero non confundamos as cousas. Os asentamentos son de feito un desastre. A ocupación é intolerable. O conflito israelí-palestino é perigoso. Pero agora que o misántropo loiro abriunos os ollos, xa non podemos volver pechalos. Os e-mails confidenciais deben ser lidos e relidos parar que podamos entender. Eles dinnos que non hai posibilidades para o proceso diplomático en curso. Non hai ningunha posibilidade de asinar un acordo de paz israelo-palestino mentres o presidente palestino Mahmoud Abbas (Abu Mazen) viva baixo a sombra ameazante do presidente iraniano Mahmoud Ahmadineyad. Non hai ningunha posibilidade de paz na rexión a condición de que o mundo árabe estea a vivir baixo a ameaza incesante de Teherán.
.
Despois de todo, tal como aseguran por igual o presidente exipcio, o rei saudita e rumorean os emires do Golfo, Irán é o corazón do problema. Irán é a fonte do veleno e a fonte da consternación. Mentres Irán estea cada vez máis forte, e busque sen descanso a fabricación de armas nucleares, e estea a aterrorizar ao Oriente Medio, non hai oportunidade para a paz. A lección é amarga. Se Irán desenvolve armas nucleares, a paz desaparecerá. Un Irán nuclear representará un golpe final á posibilidade de lograr un compromiso entre israelís e árabes. Por tanto, a pomba da paz ten que ser moi agresiva con respecto a Irán. Os "buscadores da paz" agora deberán enfrontarse a Irán. Pero o contrario tamén é certo. Calquera persoa que quere tranquilizar a Ahmadineyad traizoará á paz. Calquera persoa que teña unha visión tolerante dos aiatolás estará a abandonar ao presidente exipcio Hosni Mubarak e a Abu Mazen. É certo que unha moratoria sobre os asentamentos axudaría algo na loita contra as centrifugadoras. Pero só como unha moratoria permitirá desmantelar os asentamentos. Cando agora nos levantemo das ruínas da dogma oficial, a orde estratéxica das cousas estará absolutamente claro: en primeiro lugar, Irán.

Comentarios