A ex ministra de Exteriores Tzipi Livni ven de presentar unha ambiciosa campaña internacional para que a Secretaría Xeral das Nacións Unidas sexa ocupada por unha muller, cando Ban Ki-moon deixe o cargo.
Con ese obxectivo, a dirixente israelí enviou cartas unha trintena de mulleres líderes de todo o mundo, ás que insta a iniciar unha ampla campaña con vistas ao ano próximo, cando conclúe o mandato de Ban. Entre outras, Livni dirixiu a súa proposta á chanceler alemá, Angela Merkel; a raíña Rania de Xordania, a esposa do fundador de Microsoft, Melinda Gates, e a xornalista estadounidense Christiane Amanpour.
"Esta pode ser nosa oportunidade para unirnos nunha campaña para que unha muller sexa elixida á fronte da ONU", afirma na súa carta, na que asegura: "A nosa voz pode marcar a diferenza". De conseguirse, sería a primeira vez que a ONU estaría encabezada por unha muller, dado que este organismo só foi dirixiron por homes dende a súa fundación en 1945.
A iniciativa de Tzipi Livni prodúcese despois dun encontro de mulleres líderes celebrado hai dous meses en Berlín e apadriñado por Merkel.
Comentarios