A alcaldesa de París, a socialista Anne Hidalgo,
converteuse na primeira líder municipal
europea en adherirse ao movemento “Alcaldes Unidos Contra o Antisemitismo”, unha
iniciativa que demanda aos líderes municipais que se posicionen e afronten o tema con claridade
e publicamente, e xa que logo a tomar medidas concretas contra o antisemitismo. A iniciativa
foi lanzada en xullo deste ano, polo Comité Xudeu Americano.
"París ten a responsabilidade de combater o
antisemitismo, porque en caso contrario este seguirá a medrar nas nosas
rúas", manifesto Hidalgo. "París, que ten a maior comunidade xudia de
Europa, precisa ser referente e vangarda na loita contra o odio, para que
outras cidades poidan beneficiarse de nosa experiencia e do noso firme
compromiso."
Ate o momento, nos Estados Unidos máis de 300 alcaldes de 47
estados asinaron xa o manifesto, que afirma que "nun mundo de imparable comunicación
global, onde as ideas antisemitas poden se espallar sen freo e rapidamente, o
impacto do ascenso do antisemitismo en Europa non se deterá nas fronteiras da
propia Europa".
Comentarios