Na nova temporada dos Simpsons, a que fai xa a número 21, o famoso actor e humorista Sacha Baron Cohen aparecerá no papel dun guía turístico israelí nun episodio titulado "A máis grande historia realizada" onde a famosa familia Simpson ao completo visitará Israel e Homer convencerase de que el é o mesmísimo Mesías. Agárdase que o episodio sexa emitido o vindeiro 28 de marzo nas pantallas norteamericanas e a partir do mes de Abril no resto do mundo. Xa en marzo pasado ano, o produtor executivo Al Jean dixo que os guionistas querían producir un episodio onde a familia visitase Israel dado que nunca estiveron alí no pasado. E agregou "a premisa será que xudeus, cristiáns e musulmáns estarán unidos en que todos eles están furiosos con Homer. É no único que poden estar de acordo" sentenciou o produtor. A famosa familia estivo xa en Canadá, Inglaterra, Francia, Perú, Australia, China, México e incluso na India… pois agora tócalle a Israel.
-Bart: Papá, estamos organizando excursións para pais e fillos
-Homer: Je je…ti non tes fillos
Comentarios