Nota de GALEUSCAT-ISRAEL sobre o veto no Parlamento de Galiza


O Parlamento galego négase a condenar o Holocausto nazi



O veto inxustificábel do BNG e AGE fai finalmente imposíbel a conmemoración do Día Internacional de Recordo das Vítimas do Holocausto na cámara galega

Durante tres anos (2010, 2011 e 2012) o Parlamento de Galicia veu aprobando Declaracións Institucionais co gallo da conmemoración internacional (establecida oficialmente no ano 2005 por Nacións Unidas) como fan o Parlament de Catalunya ou o Eusko Legebiltzarra-Parlamento Vasco, así como todos os Parlamentos de Europa, o Congreso e Senado do estado, e incluso as diferentes cámaras autonómicas, este ano 2013 o veto inxustificábel por parte de AGE e do BNG fixo imposíbel a unanimidade regulamentar precisa para que o parlamento galego se puidera sumar un ano máis a conmemoración mundial. Salientar a incríbel contradición na que incorre o BNG negándose este ano a aprobar un texto de declaración idéntico ao que si aprobaron nos anos 2010, 2011 e 2012. 
 
Desde GALEUSCAT-ISRAEL condenamos enerxicamente este veto que representa un paso atrás, e facemos un chamado para que este veto non se volva a repetir na cámara que representa a todas as galegas e galegos. E que a conmemoración e a memoria do asasinato industrial de millóns de seres humanos durante o Holocausto nazi (centos deles galegos republicanos e galeguistas agora desprezados e ignorados) non volva sufrir un veto inxustificábel no Parlamento galego. 

Santiago de Compostela, Barcelona, Vitoria-Gasteiz
9 de marzo de 2013

Comentarios