Por Daniela Kresch
Ninguén dubida que a semana estivo marcada polo vergoñento discurso anti-Israel do presidente iraniano Mahmud Ahmadinejad nunha conferencia das Nacións Unidas contra o racismo. O discurso coincidiu co comezo do Día do Holocausto, o que tornou as palabras do presidente do Irán -que nega o extermínio de seis millóns de xudeus polo réxime nazi- aínda máis irritante. En medio de tanta infamia, unha boa noticia chamou a miña atención. Na Cisxordania, un avogado árabe-israelí decidiu montar, con diñeiro de seu propio peto, un Museo do Holocausto, unha iniciativa inédita nos territorios palestinos. Co apoio do Yad VaShem, O avogado Khaled Mehamid, residente de Umm Al Fahem, reuniu millares de fotos e documentos que traduciu ao árabe e que contan a historia do Holocausto, e así montou unha vasta exposición na cidade de Ni'ilin. Hai tres anos, esa cidade se tornou símbolo da loita dos palestinos contra o valado de seguridade que Israel constrúe en Cisxordania. Todos os venres, grupos de palestinos e de pacifistas israelís fan unha manifestación para reclamar a modificación do traxecto do valado, que desafortunadamente corta a cidade polo medio.
.
O Tribunal Supremo de Israel xa ditou sentenza a favor dos residentes da cidade, ordenando que o traxecto do valado sexa modificado e non corte a vila. Mais as protestas continúan, porque, ao parecer, algúns os moradores continúan insatisfeitos co novo traxecto. É xustamente alí é onde nace un novo Museo do Holocausto. O obxectivo do avogado Mehamid é mostrar aos palestinos da cidade "e de toda a Cisxordania" que os xudeus tamén teñen as súas dores. "Que tremendas inxustizas foron cometidas contra eles hai menos dun século e que 6 millóns de xudeus morreran". Talvez así, os palestinos entendan un pouco máis por que o Estado de Israel é tan importante para os xudeus. E por que eles o defenden con uñas e dentes. Pode parecer esquisito para nós occidentais, que estudamos no colexio o que aconteceu durante a Segunda Guerra Mundial e asistimos a moitos filmes sobre o Holocausto. Moitos occidentais ouviran sobre Hitler de fontes directas como sobreviventes do Holocausto ou ex-combatentes que loitaran na guerra. Mais, no mundo árabe, ese dramático episodio da historia non é tratado nos currículos escolares.
O que fai que a inmensa maioría dos árabes no mundo nunca escoitase falar dos campos de extermínio que acabaran coas vidas de seis millóns de xudeus, homosexuais, presos políticos e inimigo do Reich en xeral. Durante a inauguración do museo en Ni'ilin, un reporteiro da canle 10 da TV israelí preguntou aos primeiros visitantes se eles crían no que estaban vendo na exposición. Algúns entrevistados responderan que non sabían se era verdade. "Pode ser todo forxado. Non teño como ter certeza", dixo un palestino. É ese tipo de ignorancia o que fai que os discursos de Ahmadinejad encontren terreo fértil entre árabes e musulmáns. O avogado Khaled Mehamid explicou así, ao xornal Yediot Aharonot, por que decidiu abrir o museo: "Atopeime o ano pasado co alcalde de Ni'ilin, que é membro do Hamas, e en medio á súa gran tristeza pola morte dos cativos, faleille sobre o Holocausto nazi contra os xudeus. Expliqueille que os xudeus teñen a súa dor específica. El non tiña nin idea de cantas persoas foran mortas no Holocausto. Decidín, entón, montar este modesto museo". O avogado tamén contou que non hai libros en árabe que conten sobre Hitler e súa Solución Final. "Creo que só aprendendo sobre o Holocausto e entendendo a magnitute inmensa da traxedia podemos atinxir a paz e a seguridade. Israel non precisa usar balas e gas lacrimóxeno para esclarecer aos palestinos por que os xudeus están aquí. Unha foto do Holocausto ten unha forza única que vale máis do que todo o poder do exército israelí", cre Mehamid.
Comentarios