PINTADAS NAZIS NA CASA DE SEFARAD E NA SINAGOGA DE CÓRDOBA

O responsábel de actividades culturais da Casa de Sefarad en Córdoba, Jaime Sánchez, denunciou onte na Policía Local a aparición de pintadas nazis con símbolos como a esvástica e frases en alemán que dicían "xudíos fóra" e "atención xudíos". Sánchez se atopou estas pintadas pola mañá na fachada da Casa de Sefarad e na Sinagoga. Ás 11 da mañá Sadeco procedeu a limpar as pintadas ante a sorpresa de moitos turistas que pasaban pola rúa, xa que os debuxos, en vermello e negro, eran de grandes dimensións. Entre eles se encontraba a nova esvástica, que é un círculo cunha cruz no seu interior. Según Sánchez, a policía non se presentou e "o único trámite que fixeron foi recoller a denuncia". Esta non foi a primeira vez, posto que este centro cultural xa amaneceu con pintadas deste tipo hai 9 meses. Sánchez lembrou que a estatua de Maimónides tamén tivo unha gran cruz gamada pintada no peito, a cal "estivo 3 meses sen que a limparan". Criticou tamén a pasividade das autoridades ante este tipo de actos vandálicos, xa que a Xudería de Córdoba sofre cada certo tempo as consecuencias de actividades antisemitas. Sánchez cre que, a pesar de que as frases estean en alemán, os autores son cordobeses, porque, segundo él, son públicos grupos de cabezas rapadas con comportamentos semellantes, como por exemplo, dicindo "vamos a la Judería a pegarle patadas a los judíos". O empreado da Casa de Sefarad opina que isto se debe a "pouca sensibilidade e concienciación que hai en España sobre estos temas, porque España non sufriu de forma directa a barbarie nazi. E isto, á súa vez, xenera incultura e pouco coñecemento por parte de mozos que siguen unha estética porque lles gusta simplemente", di. A Jaime Sánchez non lle molesta que se produza unha simple pintada "senon que isto significa unha agresión e unhas ameazas, non só ao patrimonio, tamén ao pobo xudeu", explica o responsable de actividades culturais da Casa de Sefarad, que é un centro cultural privado e laico, que se encarga de recuperar a través de exposicións e actividades o legado sefardí (xudeo español). Ten un museo e para setembro están programados concertos. No verán recibe unha media de 100 visitantes diarios.