O Parlamento israelí, a Knesset, ven de aprobar o pasado día 19 de xullo unha longamente debatida lei básica ou fundamental que por vez primeira define oficialmente a Israel coma o Estado nación do pobo xudeu. O resultado final das votacións plenarias foi de 62 votos a favor, 55 en contra e dúas abstencións. Esta Lei Basica por primeira vez consagra a Israel coma "Fogar Nacional do Pobo Xudeu" e recolle a simboloxía nacional. De seguida a súa tradución íntegra ao galego.
LEI BÁSICA: ISRAEL COMA ESTADO NACIÓN DO POBO XUDEU
1 / Principios básicos
A Terra de Israel é a patria histórica do pobo xudeu, na que se estableceu o Estado de Israel.
O Estado de Israel é o Fogar Nacional do Pobo Xudeu, no que cumpre o seu dereito natural, cultural, histórico e relixioso á autodeterminación.
O dereito a exercer a autodeterminación nacional no Estado de Israel é exclusivo do Pobo Xudeu.
2 / Os símbolos do Estado
O nome do Estado é "Israel".
A bandeira do Estado é branca con dúas raias azuis preto dos bordos e unha Estrela de David azul no centro.
O emblema do Estado é unha menorá de sete brazos con follas de oliveira en ambos os lados e a palabra "Israel" debaixo.
O himno do Estado é "Hatikvah".
Os detalles con respecto aos símbolos estatais serán determinados por lei.
3 / A capitalidade do Estado
Xerusalén, completa e unida, é a Capital de Israel.
4 / Idioma
O idioma do Estado é hebreo.
O idioma árabe ten un estatus especial no estado. A regulación do uso do árabe nas institucións estatais ou por elas establecerase por lei.
Esta cláusula non perxudica o estatus dado ao idioma árabe antes que esta lei entre en vigor.
1 / Principios básicos
A Terra de Israel é a patria histórica do pobo xudeu, na que se estableceu o Estado de Israel.
O Estado de Israel é o Fogar Nacional do Pobo Xudeu, no que cumpre o seu dereito natural, cultural, histórico e relixioso á autodeterminación.
O dereito a exercer a autodeterminación nacional no Estado de Israel é exclusivo do Pobo Xudeu.
2 / Os símbolos do Estado
O nome do Estado é "Israel".
A bandeira do Estado é branca con dúas raias azuis preto dos bordos e unha Estrela de David azul no centro.
O emblema do Estado é unha menorá de sete brazos con follas de oliveira en ambos os lados e a palabra "Israel" debaixo.
O himno do Estado é "Hatikvah".
Os detalles con respecto aos símbolos estatais serán determinados por lei.
3 / A capitalidade do Estado
Xerusalén, completa e unida, é a Capital de Israel.
4 / Idioma
O idioma do Estado é hebreo.
O idioma árabe ten un estatus especial no estado. A regulación do uso do árabe nas institucións estatais ou por elas establecerase por lei.
Esta cláusula non perxudica o estatus dado ao idioma árabe antes que esta lei entre en vigor.
5 / Acollemento dos exiliados
O Estado estará aberto para a inmigración xudía e ao acollemento de exiliados
6 / Conexión co pobo xudeu
O Estado esforzarase por garantir a seguridade dos membros do pobo xudeu debido á súa condición de xudeus ou á súa cidadanía.
O Estado actuará dentro da diáspora para afortalar o vencello entre o Estado e os membros do pobo xudeu.
O Estado debe actuar para preservar o patrimonio cultural, histórico e relixioso do pobo xudeu entre os xudeus na Diáspora.
7 / Asentamento xudeu
O Estado ve o desenvolvemento do asentamento xudeu como un valor nacional e actuará para alentar e promover o seu establecemento e consolidación.
8 / Calendario oficial
O calendario hebreo é o calendario oficial do Estado e xunto con el, o calendario gregoriano usarase coma calendario oficial. O uso do calendario hebreo e o calendario gregoriano será determinado por lei.
9 / Día da Independencia e días conmemorativos
O Día da Independencia é a festa nacional oficial do Estado.
O Día dos Caídos en memoria dos Caídos nas Guerras de Israel e o Día do Recordo do Holocausto e o Heroísmo son días conmemorativos oficiais do Estado.
10 / Días de lecer e sábado
O sábado e as festas de Israel son os días oficiais establecidos de descanso no Estado. Os cidadáns non xudeus teñen o dereito a manter os seus propios días de descanso e festividades. A harmonización destes dereitos será desenvolta por lei.
11 / Inmutabilidade
Esta Lei Básica só poderá ser modificada pola aprobación dunha nova Lei Básica na Knesset.
Vía: Times of Israel
Comentarios