Grupos de boicot obrigan virulentamente a suspender un concerto musical en Manresa
NacioDigital.cat - 30/08/2013
Grupos radicais minoritarios obrigaron por medio da coacción a cancelar un
concerto en Manresa do grupo Amusic Skazz Band mediante unha
virulenta campaña contra un dos seus compoñentes, a quen os boicoteadores
acusaron de “racista e sionista” por ter asistido á conmemoración
dos 65 anos da independencia do Estado de Israel, celebrada hai uns
meses en Barcelona. Os incitadores ao boicot fixeron circular
masivamente un cartaz, primeiro nas redes sociais e despois nas rúas
de Manresa, incluído o escenario onde debia ter actuado a banda na
noite do venres, no cartaz aparecía a foto de Èric Herrera, trombonista do grupo e veterano militante de ERC na que aparece ao carón dunhas bandeiras israelís.
Non tardaron moito en
congratularse do seu “éxito” os boicoteadores. O candidato da
CUP David Vitali manifestou a través do seu Twitter: “Se non
permiten nazis nos nosos espazos non temos que permitir sionistas.
Non vexo ningunha diferenza”. Precisamente no lugar da bada Amusic
Skazz tocou Pirat´s Sound Sistema, un grupo vencellado á CUP que
exhibiu unha carencia absoluta de solidariedade cos compañeiros
músicos que foran virulentamente boicoteados ocupando o seu lugar no
escenario.
"Unha foto non pode
desencadear este linchamento", queixouse Eric Herrera en
declaracións a NacioDigita.cat. "A fotografía comezou a circular de
xeito anónimo a través das redes sociais", lembrou o músico.
Máis tarde, alguén imprimiunas e decidiu colgalas polas paredes de Manresa. "Obviamente, a pesar de que me contrataron, eu ante
este escenario non podo tocar", manifestou Herrera.
"Paréceme mal que dunha fotografía tiren insultos e
conclusións erradas. A min ninguén me preguntou que penso sobre o
conflito entre Israel e Palestina", declarou o músico a NacioDigital.cat. Á vez instou a ler o seu twitter, no cal defende: "A
miña opción para o Próximo Oriente sempre foi a dos dous Estados
para dous pobos. Defendo por suposto o dereito a existir do Estado de Israel mais
tamén a dun estado palestino", e xa que logo, non entende as
acusacións de "racismo" espetadas contra o cantante.”o
tema supera o simple debate do conflito palestino-israelí, e cae no
puro linchamento antisemita”.Os grupos de boicoteadores fixeron chegar a banda e a Eric Herrera a mensaxe de que "non podían garantir a súa seguridade se decidian non suspender a actuación". Éric Herrera é marido de Anna Simó, deputada actualmente no Parlament de Catalunya por Esquerra e quen foi tamén na anterior lexislatura conselleira no Govern da Generalitat.
ACAI denuncia
os feitos: "Hai que facer fronte ao totalitarismo"
"Temos que defender
a dignidade e denunciar o totalitarismo daqueles que boicotean a un
artista polo simple feito de ser visto xunto a unha bandeira de
Israel", denunciaron a través da súa conte Facebook. Engaden
que encher as rúas coa imaxe do músico "acusándoo" de
ser amigo de Israel é "unha acción covarde propia da barbarie
antisemita". Finalmente, ACAI fixo un chamado para que feitos
coma este non queden impunes e pechou: "Hai que facer fronte ao
fascismo".
Comentarios