13, 14, 26, 32, 33 e 36 saíron onte, repetindo o sorteo de 21 de setembro. Tres apostadores van dividirse o premio, equivalente a 1,9 millóns. Os seis números gañadores da Loto en Israel foron exactamente os mesmos dos sorteados hai un mes, informou este domingo (17) o xornal on-line "Y-Net". Os números 13, 14, 26, 32, 33 e 36 saíron o día 16 de outubro, repetindo o sorteo de 21 de setembro - un resultado considerado estatisticamente improbábel. Tres apostadores levaron, agora, o equivalente a 1,9 millóns de shekels. O día 21 de setembro non houbo acertantes. A dirección da Loto israelí pensou, a principio, que se trataba dun erro técnico. Mais, tras a pertinente verificación, confirmou o resultado.
Comentarios